! . نـعَـم.يـآبـنْـت . ؟

نعم يابنت؟ وش قلتي؟ تراني ماسمعتك زين .!
كأني قد سمعت (اهوى) او (اعشق) شي او ثاني ..

كأنك قلتي "احيا بك" او "اشقى لك" او الاثنين .,
او انه مسمعي يكذب, او انه طيف وجداني .

ترى قلبي اذا قلتي كلام الحب يجيك الحين,
ويقعد عند بيت القلب ويزعج قاصي وداني .!

ترى قلبي اذا كنتي تبينه يعشقك و يلين ..
ابد بس قولي "يا حبي" يذوب, وموته يحآني ,.

انا لو خاطري يقدر! بحطك في نظر هالعين ..
ولكن خفت لو يسرح واعيش العمر هيماني ,

واظن ان انتي يا عمري تحيّرتي بـ جيم و سين .
وعشتي بين نار الحب و نارٍ تكره اغصاني ,

ترى في خاطري احسآس. ومضمون الشعور اسمين,
اسم من صغري ابقى له واسم يعشقني واشقاني .!

وانا احساسي الخافي بدا فيه اللعب حرفين ..
وزيّن حرفه الأول شعور وقلب ولهـانـي .,

ويبقى حرفه الثاني رسم في هامته قلبـين ..!
وكوّن كلمه ومعنى بـ توصف حس بكّاني .

بقوله "حب" من قلبي صدر موج الهوى لسنين ,
تراها من حوالي عام! ابي ينطق بها لساني .!

ولكن جيتي من نفسك, وحققت المراد الحين.
أخيرًا صار فيني حب وقلبٍ يعشق انساني.!